Ruihhlo tawlhtute kum 2 chhungin jail-ah dah vek an ni ang : Amit Shah

Union home minister Amit Shah chuan prime minister Narendra Modi kaihhruai sorkar chuan ruihhlo tawlhruk ṭhin chu nuaibo vek a tum tih sawiin, ruihhlo tawlh ṭhin dang tur leh, a tawlhrutute laka hremna lekkawh a nih theihna atan ramria sipai duty-te chu thuam chak an nih thu a sawi.

Nimina Lok Sabha inkhawmah ruihhlo chungchang sawinaah Amit Shah chuan, "Ramri, port leh airport kaltlanga ruihhlo rawn lut ṭhinte hi kan danchah vek a ngai a ni. Revenue department, NCB leh anti-narcotic agency-te pawhin theihtawp an chhuah mek a ni," a ti.

Shah chuan, "State hrang hranga drug network pawh kan chhinchhiah tawh a, eng anga lian pawh ni se,kum hnihah chuan jail-ah an tang tawh dawn a ni. Sorkar chuan India chu ruihhlo laka fihlim a nih theihna turin hma a la dawn," tiin a sawi. Ruihhlo ngaite chu an insiamṭhat theihna turte kawhhmuh an ni dawn a, hetihlai hian ruihhlo zuar leh tawlhru tute erawh dim an ni dawn lo tih minister chuan a sawi.