China atanga rawn lutte RT-PCR test zel ngai dawn

China leh ram dang thenkhata Covid-19 hri a darh chhoh leh mek avangin, sorkar laipui chuan invenna tur ruahmanna thar a siam. China bakah ram dang pali- South Korea, Japan, Hong Kong leh Thailand atanga rawn lutte chu RT-PCR test neih sak zel an ni dawn tih nimina union health ministry thuchhuah chuan a tarlang.

Heng ram panga atanga rawn lut turte tan hian Air Survidha portal siam a ni dawn a, khualzinte hian he portal ah hian an health status an tarlan vek a ngai tawh dawn a ni.

Union Health Minister Mansukh Mandaviya chuan Zirtawpni khan state health minister-te chu meeting a neihpui a, ram chhunga hri leng dinhmun leh, lo inven dan turte an sawiho a ni. Minister chuan, " Hri leng dona kawngah kum thum chhung tawnhriat tha tak kan nei tawh a, chiaina tur a awm lo. Sorkar laipui chuan a theih dan angin hma a la zel dawn a ni", a ti. Ram dang dinhmun pawh an thlithlai reng thu leh, India ramah Covid-19 hri chu a darh tawh lohna turin theihtawp ab chhuah dawn tih a sawi.