Bharat Jodo Yatra-in Delhi lut

Congress hruaitu Rahul Gandhi hoa Bharat Jodo Yatra neih mek chuan nimin zing khan Delhi khawpui an lut ta.

Rahul Gandhi chuan Delhi an lut dawnah, Delhi border-a pungkhawmte hnenah thu sawiin, Bharat Jodo Yatra thlawptu zawng zawngte chungah lawmthu a sawi.

Haryana-a Badarpur border atangin nimin zing khan Delhi hi an lut a,Red Fort lam panin an kal nghal a, Nizamuddin, India Gate, ITO, Delhi Gate leh Daryaganj te an paltlang ang. Delhi ah hian Krismas leh kumthar vuakvet chawlin, January 3 ah yatra hi an chhunzawm leh ang.

Delhi-a yatra neihah hian Rahul Gandhi hi a nu leh a farnu, Sonia Gandhi leh Priyanka Gandhi, actor-turned politician Kamal Haasan bakah Congress party hruaitu dang eng emaw zatin an tawiawm a ni