Ram puma health facility-ah mock drill nei dawn

Ram hrang hrangah Covid-19 hri a len thar leh avangin, union ministry of health and family welfare chuan lo inbuatsaih lawkna atan December 27 hian ram chhunga health facility zawng zawngah mock drill nei turin a ti.

Hei hi India ramah hri a leng thar ve leh palh thulhah, oxygen, ICU khum leh hri kai enkawlna tura mamawh dangte lo inbuatsaih leh inpeih lawkna atan a ti a ni.

Health secretary Rajesh Bhushan chuan state/UT te hnena lehkha a thawnah, hri kai an pun chhoh leh palh pawha enkawlna pek an nih theihna atana lo inpeih turin a ti a ni. Sample test-na turte pawh ngaituah a, RT-PCR leh RAT kits-te pawh a awm ṭhat a ngaih thu ministry chuan a sawi.

Mock drill hi district collector, district magistrate leh health department officer-te kaihhruaina hnuaiah neih a ni ang.