Videocon founder Venugopal Dhoot man a ni

Videocon group founder leh promoter, Venugopal Dhoot chu kum 2009-2011 inkara Videocon group-in ICICI bank aṭanga loan, cheng vaibelchhe 3,000 chuang a lak danah thil felhlel awma puh chungchangah nimin zing khan Mumbai-ah man a ni.

Loan hi ICICI bank hotua Chanda Kochhar a awm lai niin, non-performing asset category hnuaiah pek a ni. Loan pek danah thil fel tawk lo a awm avangin bank hian Rs vbc1,750 a hloh phah niin CBI chuan a sawi. Chanda Kochhar leh a pasal Deepak Kochhar-te chu he case-ah vek hian CBI chuan kar liam ta khan an man tawh bawk.

CBI chuan Videocon hian kum 2009 khan Rs vbc 64 chu Deepak Kochhar-a firm,Nupower hnenah a pe a, kum 2016 khan Mumbai-a flat pakhat, Rs vbc 5.25 man chu Kochhar family trust hnenah, man tlawm takin pek a ni bawk tih a sawi.