Biotech-in Covid nasal vaccine hralh chhuak dawn

Bharat Biotech chuan Covid vaccine, hnara thlawr chi a siam chu nakkum January thla tawp lam hian a hralh chhuak dawn.

Nasal vaccine, iNCOVACC hi private market-ah Rs 800 man niin, sorkar kaltlangin Rs 325 man a ni ang. CoWin portal aṭangin a book theih bawk ang.

iNCOVACC hi kum 18 leh a chunglamte tan booster shot atana tih a ni. Tun thla tir lam khan booster dose atana hman tur hian central drug regulator, Central Drugs Standard Control Organisation (CDSCO) pawmpuina an hmu a, two-dose schedule tur niin, Covid intranasal vaccine atana khawvela pawm hmasak ber a ni.

Phase-III trial leh heterologous trial hi ramchhung hmun hran hranah neih a lo ni tawh tih Bharat Biotech thuchhuah chuan a tarlang. He nasal vaccine hi Washington University, St. Louis nena thawkduna an siam a ni.