IAF-in hlawhtling takin BrahMos missile enchhin

Indian Air Force (IAF) chuan nimin khan BrahMos missile extended version chu Su-30 MKI fighter jet aṭangin hlawhtling takin a enchhin.

BrahMos missile extended version hian Bay of Bengal-ah a target, km 400-a hla chu a fuh niin defence ministry thuchhuah chuan a tarlang. Test firign hi Air Force, Indian Navy, Defence Research and Development Organisation (DRDO), Hindustan Aeronautics Limited (HAL), leh BrahMos Aerospace (BAPL)-te thawhhona hnuaiah buatsaih a ni.

Kumin May thla khan supersonic missile extended version hi Sukhoi fighter aṭangin hlawhtling taka enchhin a lo ni tawh a, hei hi Su-30MKI fighter jet aṭanga missile enchhin a nihna hmasa ber a ni.

BrahMos supersonic cruise missile hi two-stage solid propellant booster engine niin, first stage hian supersonic speed neiin, second stage hi liquid ramjet engine a ni a, cruise phase-ah Mach 3( ri chak lam let tum) dawnin a chak bawk.