PM Modi-a'n Howrah-NJP Vande Bharat express vailiam

Prime minister Narendra Modi chuan nimin khan virtual hmangin Howrah-NJP Vande Bharat express a vai liam.

Nimin zing khan PM Modi-a nu, Hiraben Modi chu kum 100 mi niin a thi a, Modi hian a nu vuina hun hman zawhah Vande Bharat express hi a vailiam a ni. Hemi rual hian Namami Ganga Project hnuaia West Bengal-a project thar 25 siam chu a tlangzarh nghal bawk.

Prime Minister chuan kum 1943, December 30 khan Andamans-ah Netaji Subhas Chandra Bose chuan tricolour a lo zar a, hemi ni takah Vande Bharat tlantir a ni chu thil chhinchhiah tlak a ni, a ti. Indian Railways tihchangtlun leh thuam chak turin sorkar laipui chuan record siam hialin investment pawh a tih thu a sawi.

Bangladesh sorkar thawhpuiin,Ganga leh Brahmaputra lui inkalpawhna tur siam tumin hma lak mek a nih thu Modi huan a sawi a, nakkum January 13 aṭangin Bangladesh kaltlanga tuipui aṭanga Varanasi leh Diburgarh inkalpawhna pawh hman ṭan a ni tawh dawn tih a sawi bawk.

West Bengal chief minister Mamata Banerjee chuan a nu vuiliam nia Vande Bharat express vailiamna hun a hmanpui theih avangin PM Modi chu lawmthu a hrilh a, a tawrhpui thu hrilhin chawl hahdam turin a ti bawk.