Delhi boruak bawlhhlawh belh leh dawn ; Construction leh industrial work khapna siam leh

Delhi khawpui boruak chu a bawlhhlawh belh leh dawna a lan avangin sorkar laipuia air quality panel chuan Graded Action Response Plan (GRAP) stage 3 hnuaiah khapna a siam thar leh.

Nimin khan Delhi leh a chhehvel bial boruak bawlhhlawh lam chu 'Severe' category a ni leh tawh a ni. Khawpui air quality index leh, meteorological department-in khawpui boruak awm dan tur a sawilawkte thlirin, committee chuan nimin aṭanga hman ṭan nghal turin khapna ṭhenkhat a siam leh a ni.

GRAP stage 3 hnuaiah hian Delhi leh National Capital Region (NCR)-ah in sak leh ṭhiah bakah industrial work-te khap a ni. Delhi sorkar chuan khawpui boruak awmdan azirin petrol leh diesel hmang motor hlui/ upa tawhte tlanchhuah pawh a khap maithei nia sawi a ni bawk.