Covid-19 dam leh rate 33.63%-ah pung

Hripui leng mek kai dam leh rate chu 33.63% a ni tawh a, Health and Family Welfare Ministry chuan nimin khan thuchhuah an siamah hrikai 26,235 chu enkawl dam an ni tawh tih an puang.

Thuchhuah an siam hma darkar 24 chhung hian hri kai 849 chu enkawl dam an ni tih sawiin, 134 an thih thu an puang bawk.

Nimin thleng khan Ministry of Health and Family Welfare tarlan dan chuan hrileng vanga thi hi mi 2549 an awm tling tawh a, hri vei mek hi 49219 an awm bawk a ni. 

India ramah hian hri kai hi 78,003 an awm tling tawh a, nimin khan mi 3,722-in kai belh lehin, Maharashtra chu case nei hnem ber an ni a, hri kai 25,922 an nei tling tawh.