Nitish Kumar-a'n zalenna sualna kawnga PM Modi leh RSS-te thawh ve dan a zawt

Bihar chief minister Nitish Kumar chuan prime minister Narendra Modi leh Rashtriya Swayamsevak Sangh (RSS) te bei lehin, India-in zalenna a sualnaah eng nge an thawh ve tih a zawt.

Nimina Patna-a college principal leh zirtirtu lak tharte hnena appointment letter a semnaah he thu hi sawiin, CM Kumar chuan, "Modern India-a hnam pa thar tih chungchang hi sawi reng niin, chanchin thar lamah pawh englai pawhin tihlan a ni," tiin PM Modi a bei. "India ram tan eng tak nge a tih chiah? Tunah India hi eng dinhmunah nge a din? Ram hmasawnna hna eng ang nge thawh a ni tawh? Politics lama a thil tum tihhlawhtlinna atan technology tharte a hmangṭangkai a, hmasawnna an tih chu advertisment kaltlang bakin kan hmu lo," a ti.

India ram zalenna sualna kawngah engmah thawh nei ve lote chuan an sawi reng a ni tiin, "Mipuite chuan India-in independene a hmuhna tura RSS awmdan dik takte chu an hre vek a ni," tiin Nitish Kumar chuan a sawi.

Mahatma Gandhi-a'n India ram zalenna tura a beihna chu engtikah mah theihnghilh a ni dawn lo a, hetih lai hian mi ṭhenkhat chu ram hmangaihtu ber ni awm takin an inlantir mek a ni, a ti.