June 30 thleng Rel ticket lak theih dawn loh

Indian railways khualzin phur rel ticket chu June 30 thleng lak theih a nih dawn loh thu nimin zing khan tarlang. 

June 30 hma lam atana rel ticket lo book tawh te chu an ticket refund sak an ni dawn. State danga inhlawhfaa awm, kut hnathawkte haw na tur atan bika buatsaih, rel (Shramik train) erawh tlantir chhunzawm a ni dawn a, hei bakah hian May 12 aṭanga a bika tlantir, khualzin phur rel (special passenger train) chu Delhi aṭangin station 15-ah tlan tir chhunzawm a la ni ang. 

Lockdown hmaa rel ticket book hi nuai 94 a awm a, heng ticket-te hi refund leh niin, refund-na pawisa hi cheng vaibelchhe 1,490 a tling a ni. March 22 aṭanga April 14 inkara ticket lo book tawhte ticket refund lehna pawisa chu Rs vbc 830 a tling bawk.

Lockdown hma khan Indian railways chuan nitin rel 12,000 vel ramchhungah a tlantir ziah a, kum 2019-20 third quarter-ah khan railways chuan rel a tlantir aṭanga bungraw phurh manah Rs vbc 28,032.80 a la lut a, passenger phurh manah Rs vbc 12,844.37 a la lut bawk.