Kumthar ni aṭangin commercial LPG man a to

Kum 2023 kumthar ni, nimin aṭang khan ram pumah eirawngbawlna gas, commercial liquid petroleum gas (LPG) chu bur khat Rs 25-ah tihto a ni. Domestic LPG man erawh tihdanglam a ni lo.

Rate tharah hian commercial cylinder, kg 19-a rit chu Delhi-ah Rs 1,769-ah a kai a, Mumbai-ah Rs 1,721, Kolkata-ah Rs1,870 leh Chennai-ah Rs 1,971-ah an pung chho a ni.

Nikum chhung khan domestic LPG man hi ṭum tihsan a ni. Kum 2022 March thla khan bur khat Rs 50-in tihsan ani a, May thlaah ṭum hnih tisang lehin, July thlaah tihsan a ni leh bawk.

Eptu party-te chuan commercial cooking gas mantihsan a nih leh chungchangah BJP kaihhruai sorkar chu bei zui nghalin, hei hi BJP-in mipuite hnena an kumthar thilpek niin, a dang pawh a la thleng zel dawn tih an sawi.

Kum 2014-a BJP-in central-a sorkarna an chan hnu khan, domestic LPG cylinder bur khat man hi Rs 410 aṭangin Rs 1,000 chuangah a kai chho tawh a ni.