UP sorkar hnathawkte transfer khap

Uttar Pradesh sorkar chuan hri len chhungin sorkar hnathawkte transfer a khap. 

Additional chief secretary, appoint­ment and personnel, Mukul Singhal chuan nimin khan thuchhuah siamin, sorkarin thupek dang a tihchhuah leh hma chuan 2020-21 chhungin sorkar hnathawkte transfer khap an ni tih a sawi. Ṭul bik thilah chauh chief minister phalnain transfer hi tih theih a ni dawn a ni. 

CM Yogi Adityanath hoa cabinet meeting chuan an state bikah lockdown hman mek chu May 31 thleng pawhsei an rawt. 

Minister-te chuan industry leh retail sector huam loin, khakhirpna hi kalpui chhunzawm zel an la duh tih an sawi. State hrang hranga tangkhangte an haw khawm mek vangin fimkhur a ngai zual niin an sawi a ni. Hemi rual hian lockdown pawhsei chungchangah erawh sorkar laipui duhdan erawh zawm ṭha an tih thu an sawi bawk. 

Congress general sec­retary Priyanka Gandhi Vadhra chuan UP CM hnenah hian lehkha thawnin, hri leng avanga harsatna tawk mek mirethei zawkten home loan an lakte chu a pung ngaihdam sak turin a ngen a, loneitute electric bill pawh thla li chhung ngaihdam sak turin a ngen. 

Priyanka chuan hun rei tak  hnathawk thei loa an awm avangin small and cottage industry hnuaia thawk, in­hlawhfate chu chhawmdawl turin a ngen bawk a ni.