Haryana minister ban turin an phut

Haryana-a khap panchayat chuan junior coach hmeichhe laka mipat hmeichhiatna lam hawia mawi lo taka chea puh, sports minister Sandeep Singh chu January 7 hma ngeia ban turin state sorkar an phut.

Junior coach-in minister laka complaint a thehluh hnuah, Chandigarh police-te chuan Sandeep Singh lakah hian thubuai an ziak lut tawh a ni. Singh hian thubuai siamsak a nih hnu hian sport portfolio chu chief minister kutah a hlan a, minister a nihna aṭang erawh chuan a bang lo.

“12 Dhankar khaps”, caste council tih bawk panchayat chuan, mawi lo taka chea puh minister hi ban tur leh, mantir ngei an phut thu an sawi. January 7 thlenga minister a nihna aṭanga ban a nih loh chuan, nasa zawkin lungawi lohna lantir an tum tih an sawi lawk bawk.