Indian Railways-in diesel hmang rel thlak vek tum

Indian Railways chuan hill area-a diesel hmang rel tlan ṭhin chu kum 2030-a zero-emission siam tuma a hmalakna kalzelah,kumin December thlaah hydrogen-powered rel hmanga thlak vek a tum.

Union Railway Minister Ashwini Vaishnaw chuan steam leh diesel hmang rel te chu environment tibawlhhlawh lo zawk tur, hydrogen powered relin kum hnih chhunga thlak vek tum a ni tih a sawi. Rel pianhmangte chu a la ngai vek dawn tho a, hydrogen a hmang tawh dawn thung a ni, a ti. Haryana-a Sonipat-Jind section-ah hydrogen-powered train hi enchhinna atan tlantir a ni ang.

Diesel hmang rel hi– Darjeeling Himalayan Railway, Nilgiri Mountain Railway, Kalka Shimla Railway, Matheran Hill Railway, Kangra Valley, Bilmora Waghai leh Marwar-Deogarh Madaria-ah te an la tlan a ni.