MHA-in firfiak pawlah TRF a puang

Ministry of home affairs (MHA) chuan Unlawful Activities (Prevention) Act hnuaia Lashkar-e-Taiba (LeT) pawl pakhat, The Resistance Front (TRF) chu Ningani khan terrorist organisation-ah a puang.

MHA chuan thu­chhuah siamin, TRF hi LeT hnuaiah kum 2019 khan rawn dingin, online medium kaltlangin ṭhalaite chu firfiak zawnga che turtein a chhawr niin a sawi. Hei bakah hian Pakistan aṭangin Jammu and Kashmir-a firfiakte hruai luh bakah, ruihhlo tawlhlutnaah te an inhnamhnawih nia sawi a ni bawk. J&K-a mipute chu India dodal zawnga che a, firfiak pawlte zawm turin an rilru lam thlenga hneh tumin hma an la a ni, a ti.

Official-te chuan TRF chu Pakistan-in LeT hming a phuah tharsak niin an sawi. TRF commander Sheikh Sajjad Gul chu UAPA-a Fourth Schedule hnuaiah firfiakah puan a ni tel bawk.