HP CM-in a cabinet tilian; Minister thar 7 lalut

Himachal Pradesh chief minister Sukhvinder Singh Sukhu chuan a cabinet tilianin, nimin khan minister thar pasarih lakluh an ni. Anni nen hian minister hi pakua an awm tawh a ni.

Governor Rajendra Vishwanath Arlekar chuan Raj Bhawan-ah minister tharte hi rinawmna thu tiamtirin a lalut. Minister lakluh thar zingah hian CM hlui Virbhadhra Singh fapa, Vikramadatiya Singh pawh a tel. MLA paruk chu chief parliamentary secretary atan ruat an ni bawk (CPS).

Himachal Pradesh-ah hian chief minister huamin, cabinet member hi 12 chin an awm thei a ni. Chief minister Sukhu leh deputy chief minister Mukesh Agnihotri-te chu December 11 khan lakluh an lo ni tawh.

Member 68 awmna, Himachal Pradesh assembly-ah hian rorellai, Congess party chuan MLA 40 a nei a ni.