India-Japan in joint air exercise nei dawn

India leh Japan chuan Jnauary 12-26 chhung hian joint air exercise hmasa ber tur, 'Veer Guardian-2023' chu Japan-a Hyakuri air base-ah an nei dawn.

Joint air exercise-ah hian Indian Air Force (IAF) chuan Su 30 MK I pali, C-17 pahnih leh IL-78 aircraft pakhat an hmang dawn a, Japan Air Self Defence Force (JASDF) chuan F-2 pahnih leh F-15 aircraft pali an hmang dawn a ni.

'Veer Guardian' exercise hi ram pahnih air force-te inṭhianṭhatna tihnghehna tur leh, defence lama thawhdunna zau zawk an siamna tura buatsaih a ni. Exercise ṭannaah hian Air Force pahnihte hian aeriel combat drill-te an nei ang.

Kum 2022, September 8-a Tokyo-a 2+2 Foreign and Defence Ministerial meeting-ah khan India leh Japan hian defence lama thawhdunna zau leh nghet zawk siam an lo remti tawh a ni. Military exercise tam zawk neih a, joint fighter jet drill hmasa ber tur neih pawh an rel. Acquisition and Cross-Servicing Agreement (ACSA) ziakin hei hi kum 2021, July 11 aṭang khan hman a ni tawh bawk.