Old pension scheme tihthar leh chu sum lam tlakchhiatna siamtu tur a ni : Montek Singh Ahluwalia

Planning Commission deputy chairman hlui leh veteran policy maker, Montek Singh Ahluwalia chuan state ṭhenkhatin Old Pension Scheme (OPS) hman leh an tum chu sum lama tlakchhiatna siamtu tur a ni, a ti.

"Hetiang thil tih an tum hi thil awmze neilo a ni. Sum lama tlakchhiatna siamtu tur a ni. He thil hman rawttute chu kum10 hnuah sum lamah an tlachhia ang,"tiin he scheme hi hman a nih tawh lohna turin political party leh, thuneihna chang mekte chu dan an ngai tih a sawi. Hei hi state ṭhenkhatin old pension scheme hman leh an tum chungchanga an zawhna a chhannaah a sawi.

Hetih lai hian state ṭhenkhat - Punjab, Rajasthan, Chhattisgarh, Jharkhand leh Himachal Pradesh sorkarte chuan Old Pension Scheme hi an hmang leh tawh a ni.

Veteran policy maker chuan old pension scheme hmanin sum lamah a nghawng len dan tur chu mipuite hnenah chiang taka hrilhfiah a ngai a ni, a ti. Sorkar laipui erawh chuan Old Pension Scheme hmang leh tura rawtna a awm loh thu a sawi.

Sorkar laipui chuan old pension scheme hi kum 2004, April 1 aṭang khan titawpin, national pension scheme (NPS) in a thlak a ni.