TN Governor sawmna siamin inhnialna siam

Tamil Nadu governor RN Ravi-a'n Raj Bhavan-a Pongal festival lawmna neih tura sawmna a siamah sorkar laipui emblem chauh hmangin, state emblem a dah tel lo a, hei hian inhnialna a chawk chhuak. Governor hian English leh Tamil-in sawmna hi a siam a ni.

Communist Party of Indian (Marxist) MP Su Venkatesan chuan Governor-i'n Tamil Nadu sorkar logo a hman tel loh chhan zawtin, nikuma sawmna a siamah state emblem chu a telh tih a sawi.

Governor-i'n VVIP leh official dangte hnenah sawmna a semchhuahah hian Tamil Nadu Governor ti loin, 'Tamizhagam Governor' tiin a ziak bawk. Ravi hian a hmain meeting-ah an state hming chu Tamil Nadu tih aiin Tamizhagam tih chu a inhmeh zawk tih a lo sawi tawh a, hei hi political party hrang hrang, BJP thawhpui AIADMK thlengin na takin an sawisel a ni.