Hlawhtling takin Prithvi-II missile enchhin

Short-Range Ballistic Missile, Prithvi-II chu Thawhlehni zan khan Odisha tuipui kam, Chandipur-a Integrated Test Range aṭangin hlawhtling takin enchhin a ni.

Defence ministry chuan missile hian a target chu ṭha takin a fuh tih an sawi. Prithvi-II missile hi kg 350 chin vel a kap pha a ni. Short range, surface-to-surface missile hi Defence Research and Development Organisation (DRDO) siam a ni a, Prithvi missile series ami niin, he series-ah hian Prithvi-I, Prithvi-II, Prithvi-III, leh Dhanush-te an awm.

Prithvi II in India ram leilunga siam, nuclear ralthuam phur thei niin, kg 500 chin a phur thei a, liquid propulsion system a hmang a ni. He missile hi Indian Army-ten an hmang ber a, regiment hrang hrangah dah a ni. Training leh test launch-na atan an hmang ṭhin bawk.

DRDO hian Project Devil hmangin surface-to-air missile siam a tum mek bawk a, he missile hi liquid fuel emaw, liquid leh solid fuel inpawlh emaw a hmang dawn a, battlefield missile turin duan a ni. Nuclear ralthuam a phur thei dawn a, tactical nuclear weapon angin hman a ni ang.