Food Corporation of India-a eirukna thleng CBI in a chhui

Central Bureau of Investigation (CBI) chuan Food Corporation of India (FCI)-a eirukna thleng nia sawi chungchang chu chhuiin, nimin khan Punjab, Haryana leh Delhi-a hmun 50 a dap. Hemi hma hian DGM-rank officer pakhat an man bawk.

Official-te chuan FCI-a technical assistant aṭanga executive director thlengin chhui chian mek an nih thu an sawi.

FCI-a deputy general manager (DGM) chu thamna, Rs 50,000 a dawn avangin man a ni a, hemi hnu hian thawktu dangte pawh chhui zui nghal a ni. Thil dik lo tihnaah hian officer, rice mill neitute, a sem darh dan leh a zuartute thlengin an inhnamhnawih em tih chhui vek an ni dawn a, state sorkar hnathawkte pawh chhui tel an ni bawk ang.