Delhi sorkarin ads man Rs vbc 164 pe turin AAP hriattir

Delhi-a Aam Aadmi Party (AAP) sorkar chuan an party, AAP chu political advertisement a tihna man, Rs vbc 163.62 chu ni 10 chhung ngeia pe turin nimin khan a hriattir.

Directorate of Information and Publicity (DIP) cuan nimin khan AAP hnenah recoverty notice hi pein; March 31, 2017 thlenga advertisement an tihna man Rs vbc 99.31 bakah, penalty Rs 64.31 pe turin a hraittir a ni. Hun tiam chhunga pawisa hi a pe lo a nih chuan, Delhi-a an party office leh an hmun dangte chu kharsak an ni dawn tih an sawi. Hemi hma hian Delhi lieutenant governor VK Saxena chuan warning a lo pe tawh bawk.

Hetih lai hian AAP chuan Lieutenant Governor leh BJP chuan Delhi chief minister Arvind Kejriwal leh a party beihna atana Delhi sorkara officer-te dik lo taka hmang ṭangkaiah an puh thung. Deputy chief minister Manish Sisodia chuan, " BJP chuan dik lo takin Delhi officer-te thuneihna chu hmangin, Delhi sorkar leh minister-te beihna atan an hmang a ni. Department-te hnathawh te thunun sakin, officer-te chu sorkar bei turin an hmang a ni," a ti. Hetianga official-te dik lo taka an thununna chu titawp tura tiin, Delhi sorkar chu ṭha taka hna thawh tir turin a ti.

Delhi-ah hian rorellai AAP leh central-a rorellai BJP hi an inbei nasa hle. Municipal Corporation of Delhi (MCD) inthlana AAP-in kum 15 chhung thuneihna lo chelh tawh, BJP an hneh hnuah party pahnihte hi an inbei na zual a ni. AAP chuan sorkar laipui aiawh, Lieutenant Governor chu BJP-in a duh dan ang anga a thunun leh, Delhi sorkar hnathawhte kawng hrang hranga tihbuai tuma cheah a puh.

Nikum December 20 khan Lt Governor Saxena chuan APP chu sorkar advertisement hming chawia political advertisment tichhuakah puhin, action lak turin thupek a lo tichhuak tawh a ni. Mahse AAP chuan hetiang thupek tichhuak turin Lt Governor chuan thuneihna a nei lo tih an sawi ve thung.