Nupur Sharma hnenah silai kawl phalna pe

Prophet Mohammed a sawichhiat avanga ram chhunga nawrh leh buaina a chhuah phahna, BJP thupuangtu Nupur Sharma chuan vauna a tawh hnua Delhi Police-te hnena ngenna a siam angin, mahni invenna atan silai kawl phalna pek a ni.

Nikum May 26-a TV debate-a Prophet Mohammed chungchang a sawidan chuan sawisel a hlawh hle a, lungawi lohna pawh lantir niin, hei vang hian BJP pawhin party thupuangtu a nihna aṭangni a lo suspend tawh bawk.

Supreme Court chuan nikum July thla khan Nupur Sharma hi a thusawi avanga ramchhung boruak a tihchhiat avangin thupha chawi turin a lo ti tawh a ni. Hemi hnu hian Sharma chuan thaha vauna pawh a tawk fo niin a sawi a, a nunna atan a him lo nia sawiin Delhi Police-te hnenah ngenna hi a siam a ni.