Congress-in Yatra kharnaa tel turin party 21 hruaitute sawm

Congress hruaitu, Rahul Gandhi kaihhruaia Bharat Jodo Yatra neih mek chu a zo hnai tawh a, January 30 hian Srinagar-ah khar a ni ang.

Congress president Mallikarjun Kharge chuan yatra tawpna hun hmannaa tel tur hian political party 21 hruaitute sawmin, ram chhunga inhuatna leh inthliarhranna politics doletna tura he hun hmanpui tur hian a sawm a ni.

Kharge chuan September 7-a Tamil Nadu aṭanga neih ṭan, Yatra-ah hian ram inpumkhatna duhtu tupawh tel tura sawm an nih thu sawiin, hmun hrang hrangah party dang MP-te pawhin an lo telpui tawh thu a sawi. 'January 30 chawhnu-ah Bharat Jodo Yatra kharna inkhawm neih a ni dawn, he hun hi ram chhunga inhuatna leh tharum thawhna tihbona tura a damlai theihtawpa beitu, Mahatma Gandhi puala hlan a ni. Kan hun hman turah hian thudik leh inlungrualna thehdarh zel leh tharum thawhna dodal a; dikna, intluktlanna leh rorelna dik humhalh zel turin kan intiam dawn a ni. He thuchah hi zau leh chak zawka thehdarh zel a nih theihna atan in rawn tel ve ṭheuh kan beisei," tiin Congress President chuan sawmna a siamah hian a tarlang.