Eiruk thubuai chhuinaah staff chawl tawhte chhawr lo turin ti

Central Vigilance Commission (CVC) chuan public sector bank, insurance company, leh central sorkar department-te chu eiruk thubuai chhuinaah an staff, chawl tawhte chhawr lo turin a ti.

Pawl ṭhenkhatin eiruk thubuai chhuinaah staff pension tawhte chu investigating officer anga an chhawr tel ṭhin thu hriattir an nih hnuah, CVC chuan he hriatttirna hi a tichhuak a ni.

Kum 2000, August thla khan commission chuan eng pawl pawhin eiruk thubuai chhuituah full-time employee chauh a hmang tur a ni tih a lo hriattir tawh a ni. Mahse hriattirna a siam chung hian pawl ṭhenkhat chuan investigation officer atan hian hnathawktu pension tawhte an la chhawr fo a ni, tiin commission chuan a sawi.

He thupek thar hi central sorkar hnuaia ministry/department-a secretary, central public sector, bank leh insurance company-a chief executive-te hnenah pek vek a ni.