Ni 3 thang turin EAM Jaishankar a zin

External affairs minister S Jaishankar chu ni thum thanga Maldives leh Sri Landa ram tlawh turin nimin khan a zinchhuak.

Jaishankar hian nimin khan Maldives a pan a, Maldives foreign minister Abdulla Shahid-a'n a lo dawngsawng a ni. Maldives-a a cham chhung hian ram pahnihte thawhdunna tur inremna eng emaw zat an ziak ang. Jaishankar hian Maldives president Ibrahim Mohamed Solih bakah foreign minister Shahid-te meeting a neihpui ang.

Vawiinah Maldives aṭang hian Sri Lanka a pan leh nghal dawn a, Sri Lanka president Ranil Wickremesinghe leh prime minister Dinesh Gunawardena-te a hmu ang. Anni foreign minister M.U.M Ali Sabry pawh meeting neihpuiin, India-Sri Lanka thawhdunna tihchak dante an sawidun dawn a ni.

Ministry of external affairs (MEA) chuan Sri Lanka chu India ram ṭhianṭha leh a ṭhenawm ram ṭha tak a ni tih sawiin, Sri Lanka mipuite dinhmun pawh a ngaihven pui reng a ni, tiin an thuchhuahah an tarlang. Maldives leh Sri Lanka ramte chuan Prime Minister hmathlir, SAGAR' (Security and Growth for All in the Region) leh 'Neighbourhood First'-ah hmun pawimawh tak an chang tih a sawi.