BSF-in Pakistan drone-in ralthuam a thlakte an man

Border Security Force (BSF) chuan Punjab-a international border aṭanga Pakistan drone-in India ram china silai leh a mu a thlakte chu an man.

BSF sipaite hian Thawhlehni zan dar 11:50 vel khan Gurdaspur district-a Uncha Takala frontier khuaa drone thlawk ri an hria a, mahse chhum chhah tak a zin avangin drone tak hi an hmu thei lo. A thawm an hriat hian sipaite chuan drone awmna lam hi an kap a, ṭum 17 vel an kap hman a ni. Hemi hnuah thil thlak ri hi an hre zui leh niin BSF official chuan a sawi.

Sipaite hian drone aṭanga thlak hi an zawng nghal a, thlai chinna hmunah hmuin, China siam pistol pali, magazine pariat leh 9mm pistol mu 47 an hmu a ni.