PM Modi-a'n Karnataka-ah development project eng emaw zat hawng

Prime minister Narendra Modi chuan nimin khan state assembly inthlan hmabak, Karnakata state-ah irrigation leh drinking water kaihhnawih development project eng emaw zat a hawng. Kodekal-a national highway developmental project a hawng tel bawk.

PM Modi hian tun thla chhunga Karnataka state a tlawh ṭum hnihna a ni. January 12 khan National Youth Festival hawng turin a lo tlawh tawh a, hemi ṭum hian road show lian tak a nei zui nghal bawk.

Karnataka hian kumin May thla velah assembly inthlan an nei dawn a, BJP hian sorkarna siam leh ngei tumin ṭan an la chho hle a, seat 224 awmah a tlem berah seat 150 lak tumin target an siam a ni.