R-Day : Online hmangin mipuite hnenah ticket 32,000 hralh dawn

Sorkar laipui chuan January 26-a Republic Day lawmna pui ber, Central Vista avenue-a neih turah ticket 32,000 chu online hmangin mipuite hnenah a hralhchhuak dawn.

Defence ministry official-te chuan kumin hian a ṭum khatna turin Republic Day lawmna neih tura official sawmte chu a sawmna hi online veka thawn an ni dawn tih an sawi bawk. Kuminah hian mi 42,000 vel an tel beisei a ni a, heng aṭang hian online hmanga ticket lei tur 32,000 hi an siam a ni.

Egypt president Abdel Fattah al-Sisi chu kumina Republic Day lawmnaah khuallian a ni dawn tih ministry of external affairs (MEA) chuan a lo sawi tawh. Hei hi Republic Day lawmnaah Egypt ram president khuallian a nihna hmasa ber tur a ni.

Kumin hi Rajpath hming 'Kartavya Path' tia thlak a nih hnua Republic Day lawmna neih a nihna hmasa ber tur a ni a, Nilaini khan parade pawh enchhin a lo ni tawh. Kartavya Path-a Republic Day lawmnaah hian tableaux 23 entir a ni dawn a, heng zinga 17 chu state leh Union Territory aṭangin a ni a, a bak paruk chu ministry leh department-te siam a ni ang.