SC-in Bihar sorkar laka petition thehluh a hnawl

Bihar sorkarin caste survey a buatsaih chungchanga petition thehluhte chu nimin khan Supreme Court chuan a hnawlsak.

Justice BR Gavai leh Vikram Nath awmna bench chuan caste survey neih tumah hian kaihhruaina engmah an tichhuak thei lo tih sawiin, petition thehluttute chu high court lam pan zawk turin a ti.

Petition hi pathum thehluh a ni a, thehluttu zingah hian NGO pakhat a tel.

Bihar sorkar hian nikum June 2 khan state chhunga hnam hrang hrang awmte chhiarpui neih hi a lo rel a ni. Official-te chuan he chhiarpui hian state chhunga chhungkaw vaibelchhe 2.5 chuang a huam dawn niin an sawi.

Hnam hrang hrang chhiarpui thawh khatna hi January 7 khan neih ṭan a ni a, vawiinah an zo ang. A thawh hnihna hi April thlaah neih chhunzawm leh tur a ni a, May 21 ah zawh hman an tum.