Hna ruak hnawh khah loh nuai 30 a la awm - Congress

Congress party chuan prime minister Narendra Modi-a'n appointment letter 71,000 a semchhuah chungchangah, kum riat chhung hna vaibelchhe 16 pek an tiam nena khaikhin chuan a la tlem lutuk tih an sawi.

Congress party president Mallikarjun Kharge chuan, PM Modi chuan thuneihna an chan khan kumtin hna vaibelchhe hnih pek a tiam tih sawiin, an intiam ang chuan kum riat chhung hian hna vaibelchhe 16 an pek a ngai a ni, a ti. "Ningania appointment letter 71,000 semchhuah chu a tlem lutuk. Sorkar department hrang hrangah hna ruak hnawh khah loh nuai 30 vel a la awm a ni. Ṭhalaite hnenah hian hna vaibelchhe 16 pek i tiam chu khawnge an awm tih hrilh rawh" tiin a twitter-ah a tarlang.