Sorkar laipuiin PM Modi sawiselna Documentary link la thla turin hriattir

23rd January, 2023

Central-a BJP kaihhruai National Democratic Alliance (NDA) sorkar chuan kum 2002-a Gujarat-a intualvuakna thleng leh prime minister Narendra Modi chungchang BBC documentary tihchhuah chu a sawisel hnuah, he documentary link chu la thla vek turin Twitter leh YouTube a hriattir.

Sorkar laipuiin hriattirna a tihchhuah hnuah, Twitter leh YouTube lamah hian documentary title 'India: The Modi Question' video chu hmuh tur an awm zui tawh lo.

Information and Broadcasting (I&B) ministry chuan social media platform lian pahnihte hi BBC documentary first episode hi block vek turin a hrilh a ni. Twitter hian documentary chungchanga tweet 50 chuang a paihsak nghal a, heng zingah hian Trinamool Congress (TMC) MP Derek O'Brien-a tweet pawh a tel.