India rama intranasal Covid vaccine hmasa ber tlangzarh dawn
India rama siam, hnara thlawr chi, intranasal Covid-19 vaccine hmasa ber, iNCOVACC chu January 26-ah tlangzarh a ni dawn tih a siamtu, Bharat Biotech company chairman leh managing director Krishna Ella chuan a sawi.
Ella chuan Maulana Azad National Institute of Technology (MANIT), Bhopal-a India International Science Festival (IISF)-ah zirlaite nena 'Face-to-Face with New Frontiers in Science' hun an hmanah intranasal vaccine hi Republic Day-ah tlangzarh a ni dawn tih a sawi a ni.
Nikum December thla khan Bharat Biotech chuan intranasal vaccine hi sorkar kaltlangin Rs 325 leh private vaccination centre-ah Rs 800-in hralh a ni dawn tih a lo sawi tawh. Kumin kumtir khan India rama hralhchhuah turin Central Drugs Standard Control Organisation (CDSCO) phalna a la a ni.