Council of Ministers meeting nei dawn

Parliament budget session ṭan hmain, prime minister Narendra Modi chuan council of minister meeting a ko.

Budget session hi January 31-ah ṭan a ni dawna, hetih lai hian council of minister meeting hi January 29-ah neih a ni ang. Hei hi kumin atana council of ministers meeting neih hmasak ber tur a ni.

Meeting hi PM Modi-a'n a kaihruai dawn a, union minister, minister of state (independent charge) leh minister of state-te an tel vek ang. He hunah hian Modi chuan budget session neih tur chungchangah minister-te chu special instruction a pe dawn a, India-in G-20 chairman dinhmun a chelh chhungah programme hrang hrang neih turte pawh sawiho a ni bawk ang. G-20 kaihhnawih programme 200 chuang hi ram chhung hmun 50 velah neih a ni dawn a ni.

Minister-te chuan an ministry hnathawh leh kalphungte report an pe dawn a, union cabinet siksawi leh tihlen chungchang pawh an sawiho dawn bawk.