Republic Day lawmna tur atan ngawrh takin inbuatsaih

74th Republic Day, January 26-a lawmna neih tura atan ngawrh taka inbuatsaih chhoh mek a ni a,kuminah hian kum danga la telh ngai loh event thar pawh eng emaw zat a tel dawn.

Republic Day lawmna pui ber, Central Vista avenue-a neih turah hian ram 19 aṭangin cadet 166 leh officer 32 an tel dawn. A hmunah hian chhimtu mi 42,000 vel an tel beisei a ni. Mipuite tan online hmangin ticket 32,000 zawrhchhuah a ni a, ticket pawh hi an hralh ṭha hle nia sawi a ni. Kuminah hian sawm bikte pawh physical invitation card pe loin, e-invitation thawn an ni.

Kumina Republic Day puala event thar buatsaih tur zingah hian Military Tattoo and Tribal dance festival; Veer Gatha 2.0, Vande Bharatam dance competition-te a tel a, heng bakah hian National War Memorial-ah military leh coast guard band an perform dawn a, All-India School band competition buatsaih a ni bawk ang. Beating the retreat ceremony-ah drone show leh projection mapping neih a ni dawn bawk.

Republic Day lawmna hi Netaji Subash Chandra Bose piancham, nimin January 23 aṭang khan neih ṭan niin Martyr Day, January 30-ah a tawp ang.