July thlaah GST-a sum lut a tlahniam

Goods and Services Tax (GST)-a July chhunga pawisa lut zat chu cheng vaibelchhe 87,422 a ni a, June thla khan cheng vbc 90,917 a ni thung.

Nikum July thlaa GST-a pawisa lut zat chu cheng vbc 1,02,083 a ni. Kumin July thla nena khaikhin chuan sum lut hi 14.36% in a tlem. Kumin July thlaa GST-a pawisa lut cheng vaibelchhe 87,422 hi Central GST aṭanga lut cheng vbc 16,147, State GST aṭanga lut cheng vbc 21,418 leh Integrated GST aṭanga cheng vbc 42,592 (rampawn bungraw lakluha aṭanga chhiah cheng vbc 20,324 pawh a tel) lutte an ni. Chhiah lakluh hi Covid-19 leng vangin a tlahniam a, hripui leng vang hian Septem­ber thla thleng chu chhiah pek ngai ṭhenkhatte ngaihna­thiam an lo ni bawk a ni.