Ghaziabad police-ten highway-a reels siamtu Rs 17K chawi tir

Uttar Pradesh-a Ghaziabad police-te chuan social media influencer, Vaishali Chaudhary Khutail chu traffic rules bawhchhiaa Sahibabad highway-ah a motor tiding a, reels a siam avangin Rs 17,000 an chawi tir.

Vaishali Chaudhary Khutali-i reels siam hian social media lamah sawisel a tawk a, police-ten he thil hi an hmuhin action la nghalin, Pathianni khan thubuai an siamsak chu ziah luh nghal a ni. Hemi hnu hian a motor pawh hi man sakin, dan bawhchhiaa second 15 lek awh video a siam avangin Rs 17,000 chawitir a ni tih police-te chuan an tarlang.

Nikum December thla khan instagram influencer, Ranbir Singh pawh Delhi road-ah a car-a reels a siam avangin pawisa chawitir a ni a, a motor BMW leh Swift pawh police-ten an hrensak bawk.