FM Sitharaman-i'n Union Budget 2023-24 a pharh

Union finance minister, Nirmala Sitharaman-i chuan nimin khan Parliament-ah union budget 2023-24 a pharh.

Finance Minister hian Parliament-a union budget a pharh ṭum ngana a ni a, nakkum Lok Sabha inthlanpui neih hmaa full budget pharh hnuhnun ber tur a ni bawk. Minister-in union budget tharin thil pasarih a dah pawimawh a tarlan zingah infrastructure, green growth, financial sector leh youth power-te an tel.

Minister chuan Indian economy chuan kawng dik zawh chhoin, hmabak eng tak a nei mek tih a sawi. Chhiah petute leh economy thuam chakna turin, personal tax lak danah thil thlak danglam lian tak panga a awm thu a puang. Chhiah lakna thar (2020 budget-ah tarlan tawh) hnuaiah hian kum khata Rs nuai 5 leh a hnuai lam lalut chinte income tax awltir ṭhin chu Rs nuai 7-ah tihsan a ni.

Sitharaman-i chuan budget thara sum indaih lohna tur, fiscal deficit hi 5.9% vela chhut a nih thu sawiin, kum 2025-26-ah chuan fiscal deficit hi 4.5% target a ni, a ti.