NSA Doval leh Jake Sullivan-ten meeting nei

US-a cham mek, national security adviser Ajit K Doval leh US national security advisor Jake Sullivan-te chuan White House-ah meeting an nei a, ram pahnihten thawhdunna nghet zawk siam dan turte an sawidun.

Jake Sullivan chuan India NSA Doval chu White House-a an lo lawm thu sawiin, technology leh defence lama thawhdunna ṭha zawk an siam dawn tih a sawi. Ram pahnihte thawkdun chuan ram mipui leh economy tan theihtawp an chhuah zel dawn tih a sawi.

Ni hnih cham tura US-a zin, Doval hi sorkar official leh industry lama hruaitu eng emaw zatin an ṭawiawm. Doval hian Jake Sullivan hma hian Joint Chiefs of Staff chairman general Mark Milley, acting secretary of defence Kathleen Hicks bakah senator leh industry lam hruaitute meeting a lo neihpui tawh bawk a ni.