January 15 hnu lama China-a zinte India-ah luh remti lo

Ramchhunga novel coro­navirus lut tur venna kawng khat atan, Directorate General of Civil Aviation (DGCA) chuan kar liam ta Inrinni khan foreigner, China-a January 15 hnua zinte chu India-ah an luh a rem rih loh thu a tarlang. 

Hei bakah hian Feb­ruary 5 hmaa China mi, India rama rawn zin tura ramchhunga airline-te'n visa an pekte chu titawp leh turin ngenna DGCA chuan a siam bawk. Visa chungchanga DGCA hmalakna hian thlawhtheihnaa thawk China mi emaw foreigner dang emawte erawh a huam lo thung.

January 15 hnua China aṭanga India rama luh phal loh a nih chungchangah hian DGCA chuan Nepal, Bhutan, Bangladesh leh Myanmar aṭanga luh pawh phalloh a nih thu a tarlang a, thlawhtheihna bakah hian lawng, rel leh kawng aṭanga lut tur pawh khuahkhirhna siam vek a ni. 

Indian airlines zingah IndiGo leh Air India-te chuan China-ah an thlawhtheihna thlawk rih lo turin an tifel tawh a, SpiceJet erawh chuan Delhi aṭanga Hong Kong thlawhtheihna chu a la thlawh tir tho thung.