2019 aṭangin ram pawnah PM Modi ṭum 21 a zin; A zinna senso atan Rs vbc 22.76 senral a ni

Prime minister Narendra Modi chu kum 2019 aṭang khan ram pawnah ṭum 21 a zin chhuak hman a, heng a zinna senso atan hian Rs vbc 22.76 senral a nih thu sorkar laipui chuan a sawi.

Rajya Sabha-a zawhna, ziaka chhannaah hei hi tarlan niin, hemi hun chhung vek hian India President chu ram pawnah ṭum riat zinin, Rs vbc 6.24 sen a ni tih minister of state for external affairs V Muraleedhran chuan a sawi a ni. President hmasa Ram Nath Kovind kha ṭum sarih zin chhuakin, a thlaktu president Droupadi Murmu chu ṭum khat, nikum September thlaah UK tlawhin a zinchhuak a ni.

PM Modi hi Japan-ah vawi thum, US leh UAE-ah vawi hnih ve ve a zin hman.

Kum 2-19 aṭang khan external affairs minister E Jaishankar chu ram pawn lamah vawi 86 zet a zinchhuak tawh bawk.