Coronavirus luh theihna ram 20 zingah India tel

Germany-a Humboldt University  leh Robert Koch Institute-a reseacher-ten an zirchiannaah, India ram chu China baka coronavirus luh awlsamna tur ram 20 zingah telin, a 17-na a ni. 

He zirchianna aṭang hian China tih lohah, Thailand, Japan leh South Korea-te chu he virus luh awlsamna tur ram nia tarlan a ni. Researcher-te hian an zirchianna hi ‘2019 Novel Coronavirus Global Risk Assessment’ tiin, khawvel ram hrang hranga airport 4,000 an zirchiang a ni.

 

Hetih lai hian sorkar chuan airport 21-ah China, Hong Kong, Singapore leh Thailand aṭanga rawn lutte chu lo enfiah zelin, mi 176,703 enfiah an ni tawh. China rama zin hnaivai, mi 8,000 vel pawh an hriselna dinhmun enzui mek an ni bawk.