Army-in Agniveer lak dan thlak danglam

Indian Army chuan Agnipath scheme hnuaia sipaia ṭang tur, Agniveer a lak dan kalphung a thlak.

Agniveer lak danah hian, a hma chuan candidate-te chu physical fitness test neih tir hmasa ber niin, medical test-in a dawt a, a tawp berah Common Entrance Examination (CEE) an hmachhawn ṭhin. Mahse an kalphung hi thlak danglamin, CEE hi a hmasa berah neih a ni tawh ang.

Army chuan Agniveer lak turah, candidate-te chuan a hmasa berah online hmangin Common Entrance Examination (CEE) hi an hmachhawn phawt a ngai tih a sawi. Hemi paltlangte hian physical fitness leh medical test an hmachhawn leh dawn a ni. CEE paltlang chauhin physical fitness an tih theih tawh dawn avangin, a tira physical test nei tura candidate tam lutuk buaipui ngai ang kha a ziaawm phah dawn niin an sawi.

Online CEE hi a ṭum khatna atan April thlaah hian ram chhung hmun 200 velah buatsaih a ni dawn nia sawi a ni bawk. Dilna hi February thla laihawl aṭangin an hawng ṭan dawn a, thla khat chhung hawn a ni ang.