DGCA-in Air Vistara Rs nuai 70 a chawi tir

Civil aviation regulator, Directorate General of Civil Aviation (DGCA) chuan Air Vistara chu hmarchhak biala flight service tur zat bithliah a thlawh kim tir loh avangin Rs nuai 70 a chawi tir.

Airline hi nikum April thlaa dan a zawm loh avangin October thla khan DGCA chuan pawisa chawi tur hian a hrem a, airline pawh hian an sum chawi tur hi an pe tlak tawh bawk niin official chuan a sawi.

Vistara thupuangtu chuan kum tam tak RDG (Route Dispersal Guidelines) chu ṭha taka an zawm thu sawiin, category hrang hrangah pawh RDG rule-in a bithliah aia tam flight pawh a service thu a sawi. Mahse Bagdogra airport khar a nih avangin flight ṭhenkhat cancel a ni a, hei vang hian nikum April thla bikah khan flight tir tura tih zat hi vawi khat chiah, 0.01% in a pha lo niin a sawi.

Ministry of civil aviation hian kum 2016 aṭangin flagship progrsamme, Regional Connectivity Scheme UDAN (Ude Desh ka Aam Nagrik) chu siamin, kum 2018 April thlaah flight hmasa ber an thlawh tir a ni. He scheme hi aviation infrastructure thuam chakna leh, tier II leh tier III khawpuiah boruaka inkalpawhna, air connectivity tihhmasawnna tura duan a ni.