Kum 2022-ah Ram Temple sak zawh tum a ni

Union cabinet ṭhu­khawmin Uttar Pradesh (UP)-a Hindu Lord Ram Temple sa tur atan, Shri Ram Janmabhoomi Teerth Kshetra trust a din hnuah, he trust hian kum 2022-ah chuan sak zawh a nih dawn thu a tarlang.

He temple sakna tur atana ṭhutkhawm (committee) hmasa ber chu UP-a Prayagraj hmun­ah February 19-ah neih tura ruahman ni mah se, remchan zawkna avangin New Delhi-ah February 18-a sawn leh zawk a ni. 

Ṭhutkhawmna neih turah hian temple sak dan turte leh hmalak dan tur zawng zawng sawi ho nghal vek turin committee member-te hriattir an ni. He temple sakna tur hi ram arce 67.703-a zau a ni dawn a, ruahman lawk ang chuan temple sakna tur atana lungphum phum tur hian prime minister Narendra Modi chu beisei a nih thu Teerth Kshetra trust chuan a tarlang bawk. 

Ram Temple sa tur atan din Shri Ram Jan­mabhoomi Teerth Kshetra trust-te office tur hi Mi­nistry of Home Affairs (MHA) chuan New Delhi-a R-20, Greater Kailash Part-1 a nih thu an tarlang.