RBI-in khawpui 12-ah code-based coin vending machine hawn tum

Reserve Bank of India (RBI) governor Shaktikanta Das chuan ram chhunga khawpui lian 12-ah, pilot project atan QR code-based coin vending machine (QCVM) hawn tum a ni tih a sawi.

Heng vending machine-te hian customer unified payments interface (UPI) hmangin coin an pechhuak thei dawn a ni. He project chungchanga kaihhruainate chu bank hnenah hriattir an ni dawn tih Governor chuan a sawi bawk.

UPI hi India rama retail digital payment atan hman lar chhoh mek a ni a, hei vang hian RBI pawhin khualzinte pawh India rama an awm chhung chuan merchant payments (P2M) atan UPI hman phalsak a rawt a ni. A bul ṭanna tan G-20 ram aṭanga khualzin rawn lutte hman phalsak phawt an ni dawn tih Das chuan a sawi.

Kum 2022 chhung khan UPI hmang hian digital payment vawi vaibelchhe 7,400 hmangin Rs vbc nuai 126 hu siam a ni. Economic Survey-in a tarlan danin, financial year 2019-22 inkar khan, UPI-based transaction hi a value 121% leh volume 115 % vel zetin a pung a ni. Nikum December thla bikah hian UPI transaction hi ṭum vaibelchhe 782 awmin, Rs vbc nuai 12.8 siam a ni hman.