Govt body-in February 14 'Cow Hug Day' atan hmang turin ngen

Animal Welfare Board of Indai (AWBI) chuan ram chhunga bawng hmangaihtute chu Valentine's Day, February 14 chu 'Cow Hug Day' atana hmang turin a ngen.

AWBI secretary SK Dutta chuan thuneitu sang lam pawmpuina leh, union ministry of fisheries, animal husbandry and dairying thurawn angin he thuchhuah hi siam a nih thu a sawi. Khawtlang ram culture-in a luahlan zel vangin Vedi tradition-te chu chimral mai hlauhthawnawmin a awm tawh a ni, a ti.

He board hi kum 1962 khan Prevention of Cruelty to Animals Act, 1960-a section 4 hnuaiah din a ni, ransa humhalhtu pawlte tan grant-te pein, sorkar laipui pawh hma lak dan turah thurawn a pe ṭhin. Mahse tun ṭuma an thuchhuah ang erawh chu an tihchhuah ṭum khatna a ni. Assistant secretary Prachi Jain chuan, 'Bawng hmangaihtute tan bika ngenna mai a ni. Kuminah chuan special event buatsaih hran kan tum lo a, mahse kumthar aṭang chuan board chuan hemi ni pual hian ruahmanna a siam tawh maithei a ni," a ti.