Bombay Court-in Vice President leh Law Minister laka PIL thehluh a a hnawl

Bombay High Court chuan judiciary leh judge ruat chungchanga collegium system an sawi dan avanga union law minister Kiren Rijiju leh vice president Jagdeep Dhankar-te laka action la tura ngenna chu a hnawl.

Law Minister leh Vice President-te thusawi dan avang hian Bombay Lawyers Association chuan Bombay High Court-ah public interest litigation (PIL) an thehlut a, ram hruaitu pahnihte chuan a thusawi danah Constitution an rin tawk lohzia an tilang a ni, an ti. Hei vang hian Dhankar chu vice president a nihna leh, Rijiju chu central sorkara cabinet minister a nihna aṭanga chawlhtir an phut thu an sawi. PIL an thehluhah hian an thusawi duh dan chu 'judiciary beihna chauh ni loin Cosntitution beihna a ni' tiin, mipui hmuhna Supreme Court zahawmna tihniamah an puh.

PIL thehluh hi acting chief justice SV Gangapurwala leh justice Sandeep Marne awmna bench-in a ngaihtuah hnuah an hnawlsak ta a ni.